Somos un grupo de cidadáns interesados en recuperar as historias persoais dos presos políticos que pasaron pola vella prisión provincial de A Coruña dende o Golpe de Estado de 1936 ata a instauración do novo réxime democrático de 1978.

Algúns de nós vimos participando en asociacións como Proxecto Cárcere, outros na Asociación para a Recuperación da Memoria Histórica e moitos cidadáns que queren, sen máis, lembrar ás xentes que sufriron pola súa ideoloxía na prisión coruñesa.

Somos polo tanto un grupo aberto a calquera incorporación cidadán que teña gañas de interesarse por esta parte imprescindible da nosa historia recente.